តើលោកអ្នកធ្លាប់ដែរដឹងអំពីមុខងារដ៏ងាយស្រួលទាំងអស់នេះទេ។ មុខងារទាំងនេះវាហាក់មើលទៅដូចជាសាមញ្ញ តែមានអស់លោកអ្នកខ្លះនៅមិនទានបានដឹងអំពីមុខងារទាំងអស់នេះទេ។ ថ្ងៃនេះយើងនឹងបង្ហាញពីមុខងារងាយៗទាំងអស់នេះ ដែរវាផ្ដល់ភាពងាយស្រួល និងចំណេញពេលវេលា។
១. លុបលេខនៅក្នុងកម្មវិធីគិតលេខ
លោកអ្នកប្រហែលជាធ្លាប់ឆ្លងកាត់រួចមកហើយនូវការប្រើប្រាស់ម៉ាស៊ីនគិតលេខនៅក្នុង iPhone ហើយនៅពេលដែលលោកអ្នកវាយលេខខុសលោកអ្នកប្រហែលជាត្រូវលុបលេខទាំងអស់និងត្រូវវាយបញ្ចូលសារជាថ្មី។ តែពេលនេះលោកអ្នកគ្រាន់តែធ្វើការទាញផ្នែកខាងស្ដាំ ឬខាងឆ្វេងនៅលើផ្ទៃខ្មៅដោយម្រាមដៃនោះវានឹងលុបលេខនៅខាងក្រោមម្ដងមួយខ្ទង់ ម្ដងមួយខ្ទង់
២. កំណត់បទចម្រៀងឱ្យឈប់
ដើម្បីកំណត់បទច្រៀងឱ្យឈប់ដោយខ្លួនឯងលោកអ្នកគ្រាន់តែចូលទៅក្នុងកម្មវិធី Clock => Timer (កំណត់រយៈពេលបទចម្រៀងត្រូវឈប់ មានម៉ោង និងនាទី ) => When Timer Ends ចុចពាក្យ Stop Playing => Start។
៣. អង្រួនទូរស័ព្ទដើម្បី Undo សារ
នៅពេលដែលលោកអ្នកវាយសារខុស ឬលោកអ្នកលុបសារដែលកំពុងសរសេរហើយចង់ឱ្យសារនោះត្រលប់មកវិញលោកអ្នកគ្រាន់តែធ្វើការអង្រួនទូរស័ព្ទនោះមុខងារ Undo នឹងដំណើរការ
៤. ថតរូបពេលកំពុងថតវីដីអូ
នេះជាវិធីងាយស្រួលដោយលោកអ្នកគ្រាន់តែចុចប៊ូតុងពណ៌សនោះវានឹងថតរូបនៅពេលដែរលោកអ្នកកំពុងតែថតវីឌីអូ
៥. Save File HTML ទៅជា PDF
លោកអ្នកគ្រាន់តែបើកឯកសារ ឬអត្ថបទណាមួយ រួចចុចលើប៊ូតុង Save ខាងក្រោមដែលមានសញ្ញាព្រួញបាញ់ទៅលើ=> បិទអ៊ីនធើណិតសិនមុននឹងចាប់ផ្ដើមSave => Save PDF to iBooks ពេលនោះវានឹងបង្កើតជា File PDF ហើយ។
